CROESO
UCHELGAIS | PARCH | DYCNWCH
Gair o groeso gan y Pennaeth
Ysgol Uwchradd ar gyfer disgyblion 11-18 oed yn mhentref Llanrug yw Ysgol Brynrefail.
Mae Ysgol Brynrefail yn ysgol hapus, cartrefol a blaengar sydd yn ymfalchio yn ansawdd yr addysg a’r ddarpariaeth o safon uchel a gynigiwn i’n disgyblion. Ein nod yw “ Gyda’n Gilydd am y Copa”.
Yr ydym yn gweithio yn galed i sicrhau bod yr holl ddisgyblion a myfyrwyr a ddaw atom yn cyflawni eu potensial ac yn ein gadael yn ddinasyddion egwyddorol a pharchus gyda’r sgiliau i fyw, gweithio a chyfrannu’n llawn at gymdeithas yn yr unfed ganrif ar hugain.
Mae holl athrawon a staff cefnogi Ysgol Brynrefail yn ymrwymedig i wneud gwahaniaeth i fywydau’r disgyblion dan ein gofal, a chynigiwn gwricwlwm eang, amrywiol a heriol ar gyfer pob oedran. Mae’r disgyblion yn mwyhau amrywiaeth eang o weithgareddau allgyrsiol er mwyn datblygu eu diddordebau ehangach a chyfoethogi eu bywydau. Mae lles a hapusrwydd ein disgyblion yn holl bwysig i ni. Yr ydym yn anelu i sicrhau bod bob disgybl yn teimlo yn ddiogel yn yr ysgol ac yn derbyn yr anogaeth a’r gofal gorau posib er mwyn datblygu a gwireddu eu potensial.
Rwyf yn falch iawn o gael bod yn Bennaeth ar Ysgol Brynrefail sydd wedi derbyn cydnabyddiaeth cenedlaethol am ansawdd yr addysg a gynigiwn yma.
Croeso cynnes iawn i chi i Ysgol Brynrefail.
Ellen Williams
Pennaeth
Mwy am yr ysgol
